«Իրավական կրթության և վերականգնողական ծրագրերի իրականացման կենտրոն» ՊՈԱԿ-ն իրականացնում է հանրապետական գործադիր մարմիններում հակակոռուպցիոն ծրագրերի իրականացման պատասխանատուների մասնագիտական վերապատրաստման դասընթացներ:

Ու՞մ համար են նախատեսված դասընթացները Վերապատրաստումներն անցնում են ինչպես ՀՀ քաղաքացիական ծառայողները, այնպես էլ հետևյալ մարմինների աշխատակիցները՝

• ՀՀ ոստիկանություն
• ՀՀ պաշտպանության նախարարություն
• Ազգային անվտանգության ծառայություն (ԱԱԾ)
• ՀՀ ԱՆ քրեակատարողական ծառայություն
• ՀՀ ԱՆ պրոբացիայի պետական ծառայություն
• Հարկադիր կատարումն ապահովող ծառայություն
• Այլ հանրապետական գործադիր մարմիններ

Դասընթացների ընթացքում ուսումնասիրվող արդիական թեմաներն են՝

• Կոռուպցիան որպես սոցիալ-իրավական երևույթ. հասկացությունը, դրսևորումները և սոցիալական հետևանքները:
• Կոռուպցիայի կանխարգելումը. որպես կոռուպցիայի դեմ պայքարի կարևորագույն ուղղություն:
• Էթիկա և Շահերի բախում. հանրային ծառայողի դեոնթոլոգիա:
• Ռիսկերի կառավարում. կոռուպցիոն ռիսկերը հանրային ծառայությունում:
• ՏՏ և Նորարարություն. տեղեկատվական տեխնոլոգիաների և նորարարական լուծումների դերը պայքարում:
• Հանրային կապեր (PR). PR ինստիտուտի կայացումը որպես կանխարգելիչ միջոց:
• Տեղեկատվության ազատություն. որպես կոռուպցիայի դեմ պայքարի գործիք:
• Հասարակական վերահսկողություն. քաղաքացիական հասարակության ինստիտուտները և հանրային իշխանության վերահսկողության մեխանիզմները:
• Կառավարչական հմտություններ. զարգացումը հանրային ծառայությունում՝ որպես կոռուպցիայի դեմ պայքարի միջոց: