«Իրավական կրթության և վերականգնողական ծրագրերի իրականացման կենտրոն» ՊՈԱԿ-ն իրականացնում է հատուկ դասընթացներ՝ ուղղված խոցելի խմբերի (անչափահասներ, անգործունակ անձինք) հարցաքննություններին մասնակցող հոգեբանների որակավորմանը և պրակտիկ հմտությունների զարգացմանը։

Համաձայն ՀՀ կառավարության 2022թ. N 847-Ն որոշման՝ դասընթացին կարող է դիմել անձը, որը բավարարում է հետևյալ չափանիշներին.

• Քաղաքացիություն: Հանդիսանում է ՀՀ գործունակ քաղաքացի:
• Կրթություն: Ունի հոգեբանի մասնագիտությամբ բակալավրի և մագիստրոսի (կամ դիպլոմավորված մասնագետի) որակավորում:
• Փորձ: Դիմելու օրվան նախորդած վերջին 5 տարվա ընթացքում ունի հոգեբանի առնվազն 1 տարվա մասնագիտական աշխատանքային ստաժ, ինչպես նաև անցել է հոգեբանի որակավորման դասընթացներ:

1. Հարցազրույց Դիմորդները անցնում են նախնական հարցազրույցի փուլ:
2. Ուսուցում և Պրակտիկա Հարցազրույցը հաղթահարած մասնագետները մասնակցում են դասախոսությունների և գործնական պարապմունքների: Պրակտիկան իրականացվում է ՀՀ քննչական կոմիտեի կենտրոնական և տարածքային մարմիններում:
3. Վկայագրի տրամադրում Դասընթացների ամբողջական փուլն անցնելուց հետո հոգեբանները ստանում են մասնակցության վկայագրեր:
4. Քննական փուլ Վկայագիր ստացած անձինք հանձնում են որակավորման քննություն:
5. Հաշվառում Քննությունը հաղթահարած հոգեբանները ՀՀ արդարադատության նախարարության կողմից հաշվառվում են ՀՀ քննչական կոմիտեի քաղաքային և մարզային ստորաբաժանումներում: