«Իրավական կրթության և վերականգնողական ծրագրերի իրականացման կենտրոն» ՊՈԱԿ-ը հանրապետությունում միակ ուսումնական հաստատությունն է, որն իրականացնում է Հարկադիր կատարումն ապահովող ծառայության ծառայողների մասնագիտական վերապատրաստում:

Գործընթացը կարգավորվում է՝

• «Քաղաքացիական ծառայության մասին» ՀՀ օրենքով:
• «Հարկադիր կատարումն ապահովող ծառայության մասին» ՀՀ օրենքով (Հոդված 14. Հարկադիր կատարողի վերապատրաստումը և հատուկ ուսուցումը):
• ՀՀ արդարադատության նախարարի կողմից հաստատված համապատասխան հրամանով:

Նպատակը

Ապահովել հարկադիր կատարողների շարունակական մասնագիտական զարգացումը հետևյալ ուղղություններով.

• Մասնագիտական գիտելիքների բարձրացում
• Գործնական հմտությունների և կարողությունների զարգացում
• Աշխատանքային ունակությունների և կոմպետենցիաների կատարելագործում

Ուսումնական մոտեցումը

Դասավանդումն իրականացվում է ըստ ժամանակացույցի՝ արդիական թեմաներով: Ուսուցման գլխավոր առանձնահատկությունն այն է, որ յուրաքանչյուր խմբի համար սահմանված են առանձնահատուկ թեմաներ, որոնք բխում են տվյալ խմբի ծառայողների պաշտոնի անձնագրով ամրագրված գործառույթներից: