Հաշվի առնելով «Իրավական կրթության և վերականգնողական ծրագրերի իրականացման կենտրոն» պետական ոչ առևտրային կազմակերպության (այսուհետ նաև՝ Կազմակերպություն)՝  արդյունավետության բարձրացմանն ուղղված շարունակական բարեփոխումները՝ Կազմակերպությունը հայտարարում է մասնագետների տվյալների հավաքագրում:

Հավաքագրված տվյալների հիման վրա կձևավորվի կադրային բանկ, ինչը հնարավորություն կտա թափուր տեղեր առաջանալու դեպքում սեղմ ժամկետներում իրականացնել համապատասխան մասնագետների ընտրություն:

Ցանկալի է, որ թեկնածուն բավարարի հետևյալ պահանջներին՝

Մասնագիտական կոմպետենցիաներ

● բարձրագույն կրթություն

● հանրակրթության ոլորտի հետ առնչվող օրենսդրության իմացություն

● ուսումնասիրություններ և վերլուծություններ կատարելու հմտություն

● գրավոր և բանավոր հաղորդակցության և ներկայացման գերազանց հմտություններ

● հայերենի գերազանց իմացություն, անգլերենի և ռուսերենի իմացությունը ցանկալի է

● համակարգչային գիտելիքներ

Եթե Դուք համապատասխանում եք վերը նշված պահանջներին, խնդրում ենք ուղարկել Ձեր ինքնակենսագրությունը (CV) info@lawinstitute.am էլեկտրոնային փոստի հասցեին՝ Ձեր տվյալները Կազմակերպության կադրային բանկում ներառելու նպատակով:

Կազմակերպությունը կուսումնասիրի ներկայացված թեկնածությունները, և համապատասխան աշխատանքին համապատասխանող մասնագիտական տվյալներ ունեցող թեկնածուները կտեղեկացվեն թափուր հաստիքների վերաբերյալ։

Հարցերի դեպքում զանգահարել  060 38 06 86 հեռախոսահամարով:

Ծանոթություն.

 «Իրավական կրթության և վերականգնողական ծրագրերի իրականացման կենտրոն» պետական ոչ առևտրային կազմակերպությունը շահույթ ստանալու նպատակ չհետապնդող, իրավաբանական անձի կարգավիճակ ունեցող ոչ առևտրային կազմակերպություն է, որն իր կանոնադրության շրջանակներում իրականացնում է ՀՀ քրեակատարողական և հարկադիր կատարողների վերապատրաստման ու հատուկ ուսուցման դասընթացների կազմակերպումը։ Այն մշակում և ներդնում է իրավախախտում կատարած անձանց ուղղման, սոցիալական վերականգնման և վերաինտեգրման արդյունավետ և նպատակային ծրագրեր (այսուհետ՝ սոցիալական վերականգնողական ծրագրեր), այդ թվում՝ կրթական, մշակութային, մարզական, մանկավարժական, հոգեբանական ու սոցիալական աշխատանքի միասնական չափորոշիչներ (լրացուցիչ տեղեկությունների համար տե՛ս հղումը):