Արդարադատության նախարարության «Աբովյան» քրեակատարողական հիմնարկում իրականացվել է նոր ուսումնական նախագիծ՝ «Ջուրը որպես բնական հարստություն և կյանքի աղբյուր» թեմայով։

Նախագծի նպատակն է բարձրացնել սովորողների էկոլոգիական իրազեկվածությունը, ձևավորել բնապահպանական մտածողություն և խթանել ինքնակրթության հմտությունները։

Նախագծի նպատակները.

Խթանել սովորողների ինքնազարգացումը՝ նոր գիտելիքների ու հմտությունների ձեռքբերման միջոցով

Բարձրացնել ակտիվ մասնակցությունն ու հաղորդակցման հմտությունները

Խորը պատկերացում ձևավորել ջրային ռեսուրսների դերի և պահպանման վերաբերյալ

Զարգացնել միջառարկայական կապերն՝ ընդգծելով ջրի կարևորությունը քիմիայի, կենսաբանության և աշխարհագրության մեջ

Իրականացման փուլերը

Սովորողները ծանոթացել են ջրի քիմիական հատկություններին, աղբյուրներին ու պահպանման հիմնախնդիրներին

Հավաքագրվել և քննարկվել են թեմային առնչվող տեղեկատվական նյութեր

Պատրաստվել են պաստառներ և թեմատիկ տեսանյութեր

Նախագծի ամփոփման ընթացքում ներկայացվել են ձեռք բերված գիտելիքներն ու հետազոտությունների արդյունքները

Այս նախագիծը մեկ քայլ է դեպի կրթական միջավայրի զարգացում և շրջակա միջավայրի նկատմամբ պատասխանատու վերաբերմունքի ձևավորում։ Այն նաև հնարավորություն է ընձեռում ՔԿՀ-ում սովորողներին ներգրավվել գիտական գործունեության մեջ և ձեռք բերել կարևոր հմտություններ, որոնք կարող են կիրառվել հասարակության մեջ վերաինտեգրման գործընթացում։